បញ្ជីឱសថសារវន្ត គឺជាមូលដ្ឋានគ្រឹះមួយនៃការគ្របដណ្តប់សុខភាពជាសកល (UHC) ហើយវាមានសារៈសំខាន់ណាស់ចំពោះការសម្រេចបាននូវគោលដៅអភិវឌ្ឍន៍ប្រកបដោយចីរភាព (SDGs) ដែលទាក់ទងនឹងសុខភាព។

បញ្ជីឱសថសារវន្តលើកទី ៩ របស់ក្រសួងសុខាភិបាល នៃប្រទេសកម្ពុជា (EML) បង្កើតឡើងដោយផ្អែកលើបញ្ជីឱសថសារវន្តលើកទី ៨ ដែលត្រូវបានបោះពុម្ពផ្សាយក្នុងឆ្នាំ ២០១៥។ បញ្ជីឱសថសារវន្ត EML ត្រូវបានរចនាឡើងដើម្បីជាឧបករណ៍ដ៏សំខាន់មួយដើម្បីពង្រឹង និងធ្វើឱ្យមានស្តង់ដារនៃការព្យាបាលជំងឺទូទៅនៅក្នុងប្រទេសកម្ពុជា ទាំងវិស័យសាធារណៈ និងឯកជន។ បញ្ជីឱសថសារវន្តនេះត្រូវបានគេរំពឹងថាជាឯកសារដែលប្រើប្រាស់ជាមូលដ្ឋានគ្រឹះសម្រាប់ការចេញវេជ្ជបញ្ជា និងចែកចាយនៅក្នុងប្រព័ន្ធសុខាភិបាលរបស់យើង មិនថាអង្គភាពសាធារណៈ ឯកជន ឬមិនមែនរដ្ឋាភិបាល ដែលដំណើរការក្រោមឆ័ត្ររបស់ក្រសួងសុខាភិបាល ព្រះរាជាណាចក្រកម្ពុជានោះទេ។

បញ្ជីឱសថសារវន្ត EML ក៏បានផ្តល់នូវអនុសាសន៍សំខាន់ៗលើអាទិភាពសម្រាប់ការផ្គត់ផ្គង់ ការបរិច្ចាគ និងការចែកចាយឱសថ និងសម្ភារៈប្រើប្រាស់នៅក្នុងប្រទេសកម្ពុជា។ កម្រិតមូលដ្ឋានសុខាភិបាលទាំងបួន (ឧ. MPA, CPA1, CPA2, CPA3) នៃប្រព័ន្ធសេវាថែទាំសុខភាពគួរតែមានឱសថទាំងនេះដែលអាចរកបានគ្រប់ពេលវេលា។